فیس بک پر پابندی ۔ کج فہمی کا ثبوت
اگر کوئی شخص آپ کے گھر کے سامنے چار لوگوں کو لے کر کھڑا ہو جائے اور آپ کی برائی شروع کر دے تو کیا آپ دروازہ بند کر کے اپنے گھر میں چھپ کر بیٹھ جائیں گے؟ یا باہر نکل کر اسے جواب دیں گے؟
ہمیں پاکستانی عوام کی سوچ اور رویہ دیکھ کر شدید دکھ ہوتا ہے کہ اسلام کی روشنی نے ہمارے ذہنوں کو ذرا بھی منور نہیں کیا؟ وہ بصیرت اور معاملہ فہمی جو ہمارا دین ہمیں سکھاتا ہے، اسے کیوں ہم اپنی زندگیوں میں استعمال نہیں کرتے؟
فیس بک پر ایک صفحہ پر رسول اللہ (صلی اللہ علیہ و آلہ وسلم) کی شان میں گستاخی کی گئی تو آپ نے وہ ویب سائیٹ ہی بلاک کر دی؟ یعنی ان لوگوں کو کھلی چھٹی دے دی کہ ہم تم سے ہار کر پسپا ہو رہے ہیں اب تم جو مرضی کرو۔ کیا یہ آپ کی رسول سے محبت ہے؟
محبت تو یہ ہے کہ کوئی آپ کے محبوب کو ایک گالی دے تو آپ اپنے محبوب کی ایک ہزار تعریفیں کرو۔ آپ کے رسول کی شان میں ایک صفحہ پر گستاخی کی گئی ہے تو آپ ایک ہزار صفحات بنا کر نبی اللہ کی شان بیان کرو۔ جس صفحہ پر گستاخی کی گئی ہے اس کے خلاف فیس بک پر ہی محاذ بناؤ۔
ہماری جو مسلمان قوم ہے، اس کے پاس ہے کیا؟ دو کوڑی کی اوقات نہیں ہے۔ کیا ہم فیس بک جیسی ویب سائیٹ بنا سکے ہیں؟ کیا ہم نے جدید ٹیکنالوجی کو استعمال کرتے ہوئے کوئی ایسا کام کیا ہے، کوئی ایسی ایپلیکیشن یا ویب سائیٹ بنائی ہے کہ جس کی بنیاد پر ہم اپنے آپ کو منوا سکیں اور اپنی آواز دوسروں تک پہنچا سکیں؟
ایک تو آپ خود کچھ کر نہیں سکتے، طُرہ یہ کہ گورا آپ کو جو سہولیات دیتا ہے انہیں استعمال کرنے کا آپ کو ڈھنگ نہیں آتا۔ پھر کہتے ہیں کہ ہمیں کیوں مارا جا رہا ہے۔
خدارا اپنی سوچ کو وسیع کیجیے، معاملات کو ہر پہلو سے اور کھلے دل و دماغ کے ساتھ دیکھا کیجیے۔ یہ جو جذباتیت ہے اس نے ہمیں چودہ سو سال سے ذلیل کیا ہوا ہے، برائے مہربانی جذبات سے نہیں عقل و خرد سے کام لینا سیکھیے۔ آپ کو جو پلیٹ فارم میسر ہیں ان کو استعمال کرتے ہوئے اپنے آپ اور اپنے حقوق کا دفاع کیجیے۔
apki baat theek hy mager jo jawab ap ny bataya wo thek nhi,,,, hum ko jawab aisa daina chahye k un ko sabaq ml jay wo ainda aisy na kren,,,, baqi rahi pabandi wali baat tu wo isliy thi hum wo bardasht nhi kr sakty,,, aur usy daikhna aur parhna bhi gunah hy,,,, isliy pabandi durst thi,,,, misaal k taur py sharaab buri cheez hy ager ap sirf sharaab ki kharabi bayan kr k usy rook nhi sakty us py pabandi hi usy kam kr sakti hy,,,, aur cigrit pr tu saaf saaf likha hy k muzar-e-sehat hy pher bhi log peety hain,,, sirf qanun men sakhti hi wahid hal hy burai ko rokny ka,,,,,,,,,,,,,, zara sochey,…………………………